IniciosociedadeBurela baixa dos dez positivos en 14 días e Viveiro mantense en...

Burela baixa dos dez positivos en 14 días e Viveiro mantense en 22

O resto dos municipios da Mariña teñen entre un e nove contaxios confirmados nas últimas dúas semanas, agás Lourenzá, Trabada e Barreiros, libres de Covid-19

Publicada o

- Advertisement -

O número de casos activos de coronavirus na provincia de Lugo baixa a 942, 78 menos ca onte, segundo o reconto ofrecido este venres polo Servizo Galego de Saúde (Sergas). Desde a anterior actualización detectáronse un total de 36 positivos novos por PCR.

Dos 942 contaxiados, 61 permanecen ingresados (21 deles en coidados intensivos, todos no HULA). Os 41 pacientes con Covid-19 en plantas de hospitalización repártense entre o Hospital da Mariña (cinco, un menos), o propio Hospital Universitario Lucus Augusti (27, cinco menos) e o centro hospitalario de Monforte (oito, dous menos).

No histórico da provincia documéntanse 198 defuncións, 10.307 altas e 11.452 casos acumulados desde o inicio da pandemia. Fixéronse 179.929 PCR, o que implica que desde o anterior reconto efectuáronse 984 probas.

No tocante á situación epidemiolóxica, Viveiro mantense con 22 positivos novos nos últimos 14 días. Burela baixa dos dez casos nese mesmo período. O resto dos municipios da Mariña teñen entre un e nove contaxios confirmados nas últimas dúas semanas, agás Lourenzá, Trabada e Barreiros, libres de Covid-19.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...