Unha funcionaria do Concello de Barreiros enfróntase a unha petición de tres anos de cárcere e outros tres de inhabilitación para desempeño de cargo público por supostamente modificar unha solicitude dunha licenza administrativa para beneficiar a unha coñecida.

A vista por este caso, que se remonta ao ano 2006, arrincará o vindeiro luns na Audiencia Provincial de Lugo, onde esta traballadora deberá facer fronte a unha acusación por un delito de falsidade en documento público.

O Ministerio Fiscal sostén no seu escrito de acusación que a procesada, que no verán de 2006 desempeñaba funcións de auxiliar administrativo no concello de Barreiros, modificou unha solicitude de licenza presentada por unha coñecida.

A acuasada, segundo Fiscalía, realizou “da súa propia man” engadidos á solicitude orixinal unha vez que xa fora recibida no rexistro municipal. Todo iso co ánimo de beneficiar a esta persoa, polo que considera que a funcionaria cometeu un delito de falsidade en documento público.

Por este motivo, solicita tres anos de prisión e outro tres de inhabilitación para cargo público, así como unha multa de máis de 2.500 euros.