InicioCentralSuspendidas as tradicionais Feiras e Festas das Quendas de Mondoñedo

Suspendidas as tradicionais Feiras e Festas das Quendas de Mondoñedo

A Asociación As San Lucas de Mondoñedo adopta a decisión pola pandemia da Covid-19.

Publicada o

- Advertisement -

A Asociación As San Lucas de Mondoñedo descarta a celebración este ano das tradicionais Feiras e Festas das Quendas 2021. Dende a organización consideran “prioritario” garantir a saúde e o benestar dos veciños e dos visitantes pola pandemia da Covid-19.

“Pese á dificultade e a tristeza que implica adoptar esta decisión, os membros da organización miramos ilusionados ao futuro, pensando nas San Lucas, coa poboación vacinada e con saúde, desfrutando dunha das feiras de máis tradición de Europa”, apunta nun comunicado

Dende a Asociación organizadora consideran que o “prioritario neste momento é garantir a saúde e o benestar” tanto dos veciños e veciñas como dos “visitantes que anualmente se desprazan ata esta cita festiva”, que reúne en Mondoñedo a centos de persoas, atraídos por un completo programa de actos.

En todo caso, amosa o seu agradecemento “ante a comprensión, a solidariedade e o apoio” que están a demostrar durante estes meses os veciños e veciñas en relación coas decisións tomadas ao respecto da celebración das festas. “O importante é que estamos desexando vivir As San Lucas se cabe con máis ilusión e intensidade”, din.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...