Na área sanitaria de Lugo hai 189 pacientes con infección activa por coronavirus. Son 16 máis ca os notificados na xornada de onte polo Sergas. Ademais, a provincia tamén experimenta unha repunta na cifra de contaxios detectados, pois nas últimas 24 horas confirmáronse 23 positivos novos.

En canto á situación nos hospitais, hai unha persoa ingresada menos. Así, quedan 10: 7 en planta (4 no Hula, 2 na Mariña, 1 en Monforte) e 3 na Uci do Hula.

Dende o inicio da pandemia faleceron 212 persoas diagnosticadas de Covid-19 en Lugo, curáronse 11.849  e realizáronse 215.742 probas PCR.