A estrada provincial que conecta Burela e San Cibrao pode converterse nunha trampa mortal para os motoristas. Algúns deles denunciaron este luns na Cope que á altura da curva da Marosa; a uns 150 metros do Campo da Marosa, en dirección a Burela, hai unha bionda afundida que deixou ao descuberto os soportes de protección.

Trátase duns pivotes metálicos que parecen coitelas e poden resultar especialmente perigosos para os motoristas. “Levan máis de dous meses así”, denuncian.

Ademais, din que esta estrada está infestada de fochancas, que os condutores se afixeron a esquivar, e presenta unha irregularidade moito máis perigosa.