A Alcaldía do Concello de Viveiro infórma que a día de hoxe hai no concello un total de 6 positivos activos por Covid-19, sendo a incidencia acumulada nos últimos 7 días inferior ou igual a 10.
“A situación epidemiolóxica en Viveiro é boa e mellorou con respecto á pasada semana, cando había 8 casos”, destaca o concello nun comunicado.
Con todo, insiste na importancia de “non baixar a garda, manter a calma, continuar cumprindo as medidas e limitacións establecidas co fin de evitar contaxios”. Por iso, apela á responsabilidade social “en beneficio de todos e todas”.
