IniciosociedadeO Parlamento aproba unha iniciativa do PSdeG para cubrir as vacantes de...

O Parlamento aproba unha iniciativa do PSdeG para cubrir as vacantes de radioloxía do Hospital da Mariña

O Bloque Nacionalista Galego engadiu unha emenda para "incidir" na problemática do traslado das probas de cancro de mama, que o PSOE aceptou

Publicada o

- Advertisement -

O Parlamento galego aprobou, por unanimidade, unha proposta non de lei do Partido Socialista pola que se solicita “cubrir as vacantes de radioloxía do Hospital da Mariña”.

A portavoz socialista de Sanidade, Patricia Otero, criticou o “ninguneo da Xunta coa sanidade mariñense” e destacou que a iniciativa xorde dos propios usuarios e dos traballadores do complexo “que non poden garantir unha atención adecuada”.

Segundo explicou Otero na comisión de Sanidade, das cinco prazas para radioloxía do hospital, só tres están cubertas. Uns profesionais que realizan ademais seis gardas localizadas ao mes. “A solución ofrecida pola Xunta é trasladar aos radiólogos ao Hospital Universitario Lucus Augusti (HULA), igual que co cribado de cancro de mama, e como pasou anteriormente coas colonoscopias”, lamentou.

A este respecto, o Bloque Nacionalista Galego engadiu unha emenda para “incidir” na problemática do traslado das probas de cancro de mama, que o PSOE aceptou. “Está claro que o PP non cre nos servizos públicos e que só cre nas políticas centralistas, xa non con Madrid, senón tamén coas grandes urbes respecto das provincias”, sinalou o portavoz nacionalista, Daniel Castro. “A consecuencia é unha sanidade de peor calidade, lonxe da xente e con maiores custos de transporte, de tempo e cunha maior incerteza”, lamentou Castro.

“ACTIVIDADE ORDINARIA”

Pola súa banda, a portavoz popular, Encarna Amigo, confirmou que o Servizo de Radioloxía do hospital “mantén a actividade ordinaria e a atención continuada, de forma que os pacientes da comarca nunca tiveron que desprazarse a ningún outro hospital para a realización de probas diagnósticas”.

A “única excepción”, puntualizou, que se puido dar son as mulleres do plan de cribado do cancro de mama que, “tras facer a mamografía na Mariña, e sempre por indicación dos propios sanitarios”, necesitan unha terceira proba específica que debe realizarse no Hospital de Lugo.

Respecto da ausencia de profesionais, Amigo achacouna a “a falta de médicos”. “Non hai radiólogos dispoñibles”, precisou a deputada, que resaltou que “o obxectivo da dirección do hospital e da xerencia da área Sanitaria do Sergas é cubrir axiña que sexa posible as prazas”.anización dos espazos nas estruturas existentes.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...