IniciosociedadeO PP de Burela denuncia que o goberno propón unha suba do...

O PP de Burela denuncia que o goberno propón unha suba do 27% na recollida do lixo

O alcalde asegura que o expediente de contratación que levará a pleno "contén as variables dun acordo a cinco anos" e que a calidade do servizo "mellorará"

Publicada o

- Advertisement -

O PP de Burela denunciou este xoves que o expediente de contratación do servizo de recollida do lixo que o goberno local levará a pleno na vindeira semana supón un aumento do gasto “dun 26,8% sobre o que se está a pagar nestes momentos”.

O goberno de Burela presentará un proxecto para o servizo de catro anos de contrato máis un de prórroga, que inclúe a limpeza viaria, de praias e a xestión do punto limpo.

Os populares afirman que o goberno local pagaba “650.000 euros ao ano, IVE incluído, a Celtaprix, e a actual adxudicataria, Geseco, recibe 719.790 euros”.

O partido conservador critica que “a empresa axudicataria deste novo proceso pode cobrar 912.423 euros ao ano, IVE incluído, o que nun lustro suporía máis de 4,5 millóns de euros, un incremento de 193.000 euros por exercicio”.

O PP de Burela afirma que esta subida do prezo non iría acompañada “de ningunha mellora do servizo, nin de persoal nin de medios”, e asegura que “non hai xustificación” para o incremento.

Os populares tamén afean ao goberno local que “mentise” sobre a súa intención de “municipalizar o servizo de recollida de lixo, algo do que fixo o seu principal obxectivo”.

Neste senso, o alcalde de Burela, o socialista Alfredo Llano, sinala que os informes elaborados pola Deputación de Lugodesaconsellan por agora recuperar o servizo, algo ao que non renunciamos, pero que terá que ser a longo prazo”.

Respecto ao orzamento criticado polo PP, o rexedor lembra que se trata de “cifras orientativas, unha primeira proposta”, e afirma que no presuposto se contemplan “as variables necesarias nun contrato de catro anos máis un, como poda ser a necesidade de mercar vehículos ou os gastos no combustible”.

Llano tamén resaltou que co novo contrato “mellorarase a recollida de cartón, que é algo que precisabamos, e tamén a limpeza das praias e beirarrúas. Teremos un bo servizo e para iso estamos a actuar con rigor”, concluíu Llano.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...