A empresa Adamo presentou na casa da cultura de Foz unha nova oferta de fibra óptica para o municipio, que o operador desplegará “en xaneiro”.
A firma sinala que ofrecerá “a velocidade máis rápida de España, con mil megas de descarga e 300 de subida”, o que suporá “un salto de calidade na capacidade e celeridade de acceso a internet en fogares e empresas do municipio”.
A compañía de telecomunicacións chegou a un acordo co Concello de Foz, que permitirá a chegada do servizo “a 7.800 fogares”.
O alcalde de Foz, o popular Javier Castiñeira, sinalou que os traballos de instalación “xa comezaron” e farano “no núcleo urbán do municipio, pero chegarán tamén ao rural”.
SEN OBRAS DE CANALIZACIÓNS
O rexedor indicou que a nova oferta non suporá “obras de canalizacións porque se aproveitan as eléctricas de Begasa, o que nos evitará as molestias de meter o cableado polas rúas do concello”.
Así, Castiñeira precisa que “as canalizacións están feitas e o investimento sería moito menor no caso de que haxa un certo número de altas que permita a viabilidade de levar a fibra a eses núcleos”.
ESPALLAMENTO POLA MARIÑA
A empresa sueca está a espallarse polos municipios da Mariña, coa previsión de ofrecer en todos o seu servizo.
