Concluíu en Ribadeo o curso sobre motores impartido por Apaga e homologado pola Consellería de Cultura, Educación e Universidade. A actividade enmarcouse dentro do novo plan de formación da Asociación de Profesores de Automoción de Galicia baseado na aula Investida.
O presidente de Apaga, Álvaro Doural, sinalou que “esta fin de semana finalizamos o curso sobre motores coa parte referida ás prácticas, que o alumnado realizou o sábado e o domingo nas nosas instalacións”.
Doural lembrou que “a nosa formación segue cun novo curso de soldadura tig, que terá lugar os días 12 e 13 do próximo mes de marzo. O prazo para inscribirse finaliza o 5. Esta actividade formativa será impartida polo profesor de soldadura Andrés Álvarez López, do CIFP Avilés, e abordaranse os seguintes temas: principios do proceso TIG, selección do tipo de corrente, equipo de sondaxe, eléctrodos non consumibles, metais de achega, gases de protección, técnicas operativas, técnicas especiais, defectos típicos nas soldaduras e fallos no equipo de sondaxe.
Os interesados poden contactar con Apaga a través do correo electrónico apagaribadeo@gmail.com ou dos teléfonos: 639.88.49.45 e 629.09.67.11.
