Unha grupo de pequenos de primaria participa nun obradoiro de educación socioemocional impulsado polo Concello de Cervo.
A psicóloga Iria Díaz, acompañada das monitoras de tempo libre Sabela Blanco e Sandra Capón, imparte estes obradoiros, nos que participa alumnado de primeiro a terceiro de educación primaria.
O programa, titulado “os contos de mochila”, traballa a autoestima, a resolución de conflitos, a empatía, a autonomía, a convivencia e abordaranse técnicas de autocontrol, entre outros aspectos.
TÉCNICAS DE ESTUDO
Por outra banda, o goberno local está a impulsar un obradoiro de técnicas de estudo para o alumnado de cuarto a sexto de primaria e de primeiro e segundo da ESO.
Neste taller abórdanse diferentes estratexias de comprensión lectora, técnicas mnemotécnicas, traballase o resumo, o esquema e tamén se avalían as estratexias de estudo individuais.
Ademais, proporciónanselle aos participantes as ferramentas para a planificación e o desenvolvemento de hábitos de estudo e diferentes técnicas para a ampliación do campo visual.
UNHA TRINTENA DE PARTICIPANTES
Así, uns trinta nenos do municipio participan nestes dous obradoiros.