InicioSucesosO naufraxio 'Pico da Lebre' produciuse polo mal estado da embarcación

O naufraxio ‘Pico da Lebre’ produciuse polo mal estado da embarcación

A Ciaim chama a atención sobre "queixas en varios portos da zona" acerca "da elevada corrosión que se produce nos barcos mentres permanecen amarrados a porto, tanto de aceiro como de madeira".

Publicada o

- Advertisement -

A investigación do naufraxio do ‘Pico da Lebre’, ocorrido o 26 de marzo de 2020 a 28 millas ao nordés de Ribadeo –con seis tripulantes rescatados ilesos–, apunta á posibilidade de que a inundación da cámara de máquinas “puido ter a súa orixe no mal estado dalgunha das súas madeiras ou da súa ensamblaxe” no casco.

No entanto, o informe da Comisión de Investigación de Accidentes e Incidentes Marítimos (Ciaim) –dependente do Ministerio de Transportes– indica que non é posible determinar as causas ao non ser posible acceder ao pecio. Iso si, sinala que o estado do casco non foi revisado antes de retomar a actividade tras “un longo período en porto” do pesqueiro.

No informe explícase que a embarcación levaba un cinco meses “practicamente sen actividade” ata iniciar esta campaña, máis aló de navegacións esporádicas. A Ciaim chama a atención sobre “queixas en varios portos da zona” acerca “da elevada corrosión que se produce nos barcos mentres permanecen amarrados a porto, tanto de aceiro como de madeira”. “É posible que, tras unha estancia en porto de case cinco meses, deuse un ou varios destes factores, degradando algúns cravos e ferraxes metálicos no casco de madeira, ou producindo corrosión por ‘pitting’ (por picadura) en zonas de concentración de tensións en cascos de aceiro”, agrega.

No apartado de leccións de seguridade, a Ciaim lembra que antes da volta á actividade dunha embarcación de madeira que estivo longo tempo parada deberíase volver comprobar “o estado da súa obra viva, madeiras, calafateado e clavazón”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...