Dúas persoas resultaron feridas ao chocar cinco vehículos na localidade lucense de Cervo. O accidente produciuse, explica o 112, cando un dos vehículos chocou contra un xabaril e o resto de coches chocaron en cadea.
Segundo detallan, o suceso tivo lugar no punto quilométrico 53 da N-642, uns minutos despois das 22.00 horas. Foi nese momento cando o 112 recibiu a alerta da colisión múltiple a través dunha persoa implicada no sinistro.
Acto seguido, solicitouse a intervención de Urxencias Sanitarias de Galicia-061, da Garda Civil de Tráfico, dos Bombeiros de Viveiro, do GES de Cervo e do servizo de mantemento da vía de circulación.