IniciosociedadeAberto un paso para ambulancias xunto á praia da Areoura despois do...

Aberto un paso para ambulancias xunto á praia da Areoura despois do corte na N-642 por un afundimento do firme

Ante esta situación, o Ministerio trasladou que xa traballan na zona "con medios materiais e humanos" e analiza as distintas solucións ao problema "para que as afeccións sexan as mínimas posibles".

Publicada o

- Advertisement -

As ambulancias que circulen en dirección ao Hospital da Mariña, en Burela, poderán evitar os desvíos alternativos propostos polo Ministerio de Transportes (Mitma) tras o corte da estrada N-642, que permanece cortada ao tráfico á altura do acceso a Burela desde Foz debido a unha focha producida polas fortes choivas caídas na zona nos últimos días.

Para iso, habilitouse para o transporte sanitario un paso próximo, nas inmediacións da praia de Areoura, co obxectivo de que as ambulancias poida chegar ao hospital comarcal canto antes.

Para os demais vehículos, o Mitma decidiu desviar o tráfico pola estrada LU-162 e a LU-P-1502. Así, desde Cangas de Foz, o roteiro do itinerario recomendado pasa polas estradas LU-162, cara a Ferreira do Valadouro, e LU-P-1502, en sentido Burela.

De maneira alternativa, desde a LU-162 en Ferreira do Valadouro, o itinerario poderá continuar pola LU-161 e a LU-540 ata Viveiro, para incorporarse novamente á N-642 a través da CG-2.3 en Xove.

Así mesmo, Mitma confirmou que o corte total responde ao “embalsamento de auga derivada dos últimos episodios de intensas choivas na marxe esquerda desta estrada e a aparición de gretas e unha focha, no punto quilométrico 42,3”.

Ante esta situación, o Ministerio trasladou que xa traballan na zona “con medios materiais e humanos” e analiza as distintas solucións ao problema “para que as afeccións sexan as mínimas posibles”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...