Dúas persoas permanecen investigadas por dúas infraccións de delito contra a propiedade industrial e máis de 700 xoguetes foron requisados por falsificación destes produtos.

A Garda Civil realizou unha operación encamiñada á detección das falsificacións de xoguetes, así como outro tipo de infraccións no ámbito do contrabando e de seguridade destes materiais, que levou a cabo en decembro de 2022 e xaneiro de 2023 na Mariña.

Servizos dirixidos ao control mediante inspeccións da venda pola o público, centrándose en establecementos onde a maioría dos xoguetes son de importación, procedentes de países de fóra da Unión Europea. En total, levaron a cabo 17 inspeccións de locais de venda de xoguetes.

Como resultado, detectáronse dúas infraccións por suposto delito contra a propiedade industrial, con dúas persoas investigadas; levantáronse cinco actas conforme á Lei de contrabando, ao non achegar os titulares dos establecementos a documentación que acreditase a súa legal adquisición e lícita importación; e seis infraccións sobre a seguridade de xoguetes, por defectos de etiquetaxe da mercadoría.

Como consecuencia das infraccións penais e administrativas, foron aprehendidos e retirados do mercado de maneira cautelar, quedando precintados e en custodia dos respectivos establecementos ata que se determinase o seu destino por parte das administracións competentes un total de 764 xoguetes. Deles, 61 están a disposición da autoridade xudicial. A valoración aproximada de todos eles alcanza os 4.000 euros.

As persoas investigadas foron postas a disposición do Xulgado de Garda de Mondoñedo e Viveiro. Mentres, as denuncias administrativas foron remitidas ás autoridades competentes en materia de aduanas e consumo respectivamente.