Unha muller de 66 anos foi evacuada de emerxencia en ambulancia ata o Hospital da Mariña tras ser atropelada por un vehículo no municipio lugués de Cervo.
O accidente produciuse ás 09,30 horas deste martes nas inmediacións do Colexio Público de Cervo, segundo informaron fontes dos servizos de emerxencias. Ata alí mobilizouse unha ambulancia medicalizada de Urxencias Sanitarias 061, que recolleu á ferida para o seu traslado, acompañada por persoal do punto de atención continuada da localidade, ao hospital situado en Burela.
