A Policía Nacional identificou a dez menores como autores de roubos nunha nave industrial do municipio de Viveiro na que causaron numerosos danos.
Os feitos ocorreron o pasado 16 de abril a plena luz do día cando, tras fracturar enreixados e xanelas, accederon ás instalacións onde, segundo os axentes, forzaron diversos armarios e caixas fortes.
Os menores apropiáronse de material de oficina, así como de equipos informáticos que contiñan información “de carácter reservado da empresa”. A Policía confirmou que gran parte dos efectos substraídos foron recuperados.
DECLARAN COMO INVESTIGADOS
A investigación, na que interviu o Grupo Operativo e Policía Científica da Comisaría Local de Viveiro, permitiu identificar aos menores, que prestaron declaración como investigados en presenza dos seus representates legais.
