Unha muller resultou ferida nun accidente de tráfico rexistrado na mañá deste martes debido a unha saída de vía no termo municipal da Pontenova.
Segundo os datos facilitados polo 112 Galicia, o sinistro tivo lugar pouco antes das 7,30 horas á altura do cruzamento de Vides, dirección Vegadeo.
Tras recibir o servizo de emerxencias 112 Galicia o aviso deste sinistro, mobilizou ao GES da Pontenova e á Garda Civil de Tráfico.
TRASLADO AO HOSPITAL
Ao lugar o 061 desprazou unha ambulancia asistencial que levou á muller ferida ao Hospital Nosa Señora dos Ollos Grandes de Lugo, segundo confirmaron fontes sanitarias.