EFE. O cadáver dunha muller que se corresponde cos datos da desaparecida este martes no municipio de Ribadeo foi atopado este mércores no mar, informaron a Efe fontes da Garda Civil.

O corpo sen vida foi achado por un equipo da Garda Civil a bordo dun helicóptero na zona dos Castros, na contorna de Illa Pancha, ás 9.20 horas.

CONFIRMACIÓN

Aínda que aínda falta unha identificación definitiva, varios indicios apuntan a que se trata “indiscutiblemente” do corpo de Laura López Saavedra, de 40 anos, que faltaba desde o martes do seu domicilio, na parroquia ribadense de Vilaselán. Traballaba como enfermeira no Hospital Público da Mariña.

A familia denunciara a súa falta ante a Garda Civil no mediodía do pasado martes, cando se iniciou a búsqueda, na que participaron membros de Policía Local, Bombeiros de Barreiros e Protección Civil.