EFE. Axentes da Garda Civil detiveron na localidade de Foz a un veciño de Ferrol, de 39 anos de idade, como suposto autor do roubo dun coche nunha estación de servizo ubicada no municipio de Mondoñedo.

Segundo informou a Garda Civil, os feitos tiveron lugar ás 14.00 horas do pasado luns, cando autores descoñecidos se apropiaron dun coche que estaba estacionado nunha gasolineira de Mondoñedo.

O VEHÍCULO, DEVOLTO

A investigación da Benemérita permitiu identificar ao suposto ladrón e recuperar o vehículo, que foi devolto aos lexítimos propietarios.

O detido pasou xa a disposición do Xulgado de Instrución número 1 de Mondoñedo.