Un motorista resultou ferido de consideración tras colidir a moto coa que circulaba contra un turismo, á altura do número 20 da Rúa de Francisco Vilasuso, no concello mariñao do Vicedo.
Ata o punto desprazáronse nada máis ser alertados polo 112 Galicia e tras recibir a alerta a través dun particular, ás 00.45 horas desta madrugada, os servizos sanitarios de urxencia, axentes de Tráfico, Bombeiros de Viveiro e os efectivos de Protección Civil da localidade.
Unha ambulancia do 061-Urxencias Sanitarias trasladou ao ferido ata o Hospital Público da Mariña.
RIBADEO
Unha persoa resultou ferida esta mañá ao saírse da vía o coche que conducía na estrada Nacional 642 ao seu paso polo municipio de Ribadeo.
Segundo informaron a Efe fontes do Centro Integrado de Atención a Emerxencias (CIAE) de Galicia, o accidente produciuse na recta de Porto sobre as 8.50 horas.
Por causas que aínda se descoñecen, a vítima perdeu o control do coche que conducía, que acabou por saírse da vía. O 112 mobilizou á Garda Civil de Tráfico, á Policía Local e a Protección Civil, así como aos servizos sanitarios de urxencias.
Despois de recibir os primeiros auxilios no mesmo lugar do accidente, a persoa ferida foi evacuada ao centro hospitalario de referencia nunha ambulancia do 061.
NAS INMEDIACIÓNS DA VÍA DO TREN
Aínda que o turismo saíuse da estrada e ficou nas inmediacións da vía do tren, o CIAE aclarou que a súa posición non trastorna para nada o normal funcionamento deste medio de transporte.
A MÁIS PERIGOSA DE ESPAÑA
Dáse a circunstancia de que o tramo da N-642 que vai desde o cruce coa N-640 e o enlace coa N-634, no municipio de Ribadeo, é o máis perigoso de España segundo o estudo EuroRAP 2018.
