Un ancián, ferido ao ser atropelado cando cruzaba un paso de peóns en Covas

A vítima, que padeceu un corte na cabeza, foi evacuada ao Hospital Público da Mariña

Zona na que se produciu o atropelo. GOOGLE MAPS

Un ancián resultou ferido ao ser atropelado na mañá deste martes cando cruzaba un paso de peóns en Covas.

Segundo informou o 112 Galicia, o accidente produciuse arredor das 10.50 horas na rúa Suasbarras, fronte ao restaurante As Tixolas.

O Centro Integrado de Atención ás Emerxencias (CIAE) mobilizou a lugar do accidente ao 061, Policía Local, Protección Civil e Bombeiros de Viveiro.

CONSCIENTE

As mesmas fontes sinalan que o home atropelado estaba consciente no momento no que se recibiu aviso do sinistro, aínda que padeceu un corte na cabeza.

Finalmente, o ancián foi evacuado desde o centro de saúde ao Hospital Público da Mariña, en Burela.

RESPOSTAR

Please enter your comment!
Please enter your name here