InicioSucesosPiden 20 anos para un cervense por agresión sexual e ameazas á...

Piden 20 anos para un cervense por agresión sexual e ameazas á súa ex parella

M. A. R. T. será xulgado este luns na Audiencia Provincial de Lugo

Publicada o

- Advertisement -

A Fiscalía pide 20 anos de prisión para o cervense M. A. R. T., acusado de golpear, reter, agredir sexualmente e ameazar con descuartizar á súa ex parella, que será xulgado este luns na sección segunda da Audiencia Provincial de Lugo.

Segundo o escrito de acusación pública, o home, que xa fora condenado anteriormente por malos tratos, agresión sexual, ameazas e quebrantamento de condena, chamou á súa ex parella o 24 de novembro do 2015 para pedirlle que o fose buscar en coche.

A muller acudiu coa nai do acusado e, cando este entrou no vehículo, colouse trala súa ex parella, que ía conducindo, e coas correas dunha mochilla rodeoulle o pescozo e ameazouna para que o levase a onde el lle indicaba. Mentres facía isto, tiraba das correas e dicíalle que a ía matar por ter posto fin á relación, mentres a súa nai lle suplicaba que non fixese dano á muller.

Os tres dirixíronse á casa dos pais de M. A. R. T. e o acusado obrigou a saír á vítima, quedouse coas chaves do coche e co seu teléfono móbil, pegoulle no ollo e forzouna a dirixirse á parte traseira da casa e pórse de xeonllos coa cabeza apoiada nun cepo. Así, ameazouna cunha brosa e díxolle que a ía levar ao monte e descuartizala.

A muller e a nai do acusado lograron tranquilizalo e entraron na vivenda, pero o home non deixou de ameazar á súa ex parella, desta volta cunha fouce. Logo levou á vítima ao seu domicilio, sen que esta poidese opór resistencia debido ao temor que padecía. Alí quitoulle as chaves do coche, ameazouna de morte e abusou sexualmente dela nunha habitación.

Ao día seguinte, os pais do acusado chamárono e convencérono de que fosen á súa casa comer. A muller escapou do lugar. Despois destes feitos, o acusado chamou varias veces á vítima e envioulle mensaxes pedíndolle perdón, e incluso chegou a presentarse cerca da casa do avó dela, malia que tiña orde xudicial de alexamento.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...