Un menor, ferido ao ser atropelado cando ía en bicicleta na entrada das Catedrais

InicioSucesosUn menor, ferido ao ser atropelado cando ía en bicicleta na entrada...

A colisión produciuse minutos antes das dez da mañá deste mércores no acceso ao areal

Publicada o

31 Xullo, 2019

- Advertisement -

Un menor que ía en bicicleta resultou ferido nun atropelo que se produciu na mañá deste mércores na entrada da Praia das Catedrais.

O Centro Integrado de Atención ás Emerxencias (CIAE) do 112 Galicia rexistrou a advertencia do accidente ás 9.49 horas. Un particular alertou de que houbera unha colisión entre un turismo e unha bicicleta, que manexaba un menor.

O 112 Galicia avisou ao 061, Bombeiros de Barreiros, Garda Civil de Tráfico, Policía Local e Protección Civil.

Segundo precisan desde o propio 112 Galicia, o menor padeceu feridas nun xeonllo, aínda que en principio o seu estado de saúde non reviste gravidade.