A Garda Civil detivo á encargada dun local de hostalería do municipio de Ribadeo á que interviu doses de haxix e cocaína.

Segundo informou o Instituto Armado, ás 1.45 horas deste venres foi detida unha veciña de Ribadeo de 42 anos de idade como presunta autora dun delito contra a saúde pública.

Os feitos tiveron lugar cando, nunha inspección de seguridade cidadá, os axentes da Benemérita observaron como a encargada do local de hostalería tiña no seu poder varias landras de haxix cun peso de 33 gramos, así como varios envoltorios cunha sustancia, supostamente cocaína, con 55 gramos.

UNHA BÁSCULA DE PRECISIÓN E 300 EUROS

No marco desta detención interviuse, así mesmo, unha báscula de precisión e 300 euros en billetes fraccionados. A persoa detida foi posta a disposición xudicial.