InicioSucesosUn coche queda calcinado en San Tirso de Abres tras bater contra...

Un coche queda calcinado en San Tirso de Abres tras bater contra un bar e orixinar un incendio

O condutor do vehículo foi trasladado en ambulancia ao Hospital de Jarrio

Publicada o

- Advertisement -

Efectivos de Bombeiros do Servizo de Urxencias do Principado de Asturias (SAIBA), con base no parque de Barres, sufocaron o incendio dun coche que, por causas que se descoñecen, colisionou contra a fachada dun inmoble, na Nacional-640, pasada a gasolineira de San Tirso de Abres. O lume calcinou por completo o turismo e causou danos no beirado e fachada do edificio. Segundo os datos facilitados polo Servizo de Atención Médica Urxente (SAMU) o condutor do vehículo foi trasladado ao Hospital de Jarrio.

O Centro de Coordinación de Urxencias recibiu o aviso do sinistro ás 4.26 horas deste sábado. Na chamada indicouse que un vehículo encaixouse contra un bar, o único ocupante estaba fóra do coche e este estaba ardendo. De inmediato mobilizouse aos efectivos de Bombeiros do SAIBA, dos parques de Barres e Valdés, que se trasladaron co vehículo de primeira saída, o furgón multisocorro, a autobomba forestal e a autoescada. Finalmente, non foi necesaria a intervención da dotación de Valdés.

OCORREU DURANTE A MADRUGADA

Unha vez no lugar, os bombeiros procederon a sufocar as lapas que envolvían o coche e estaban afectando ao exterior do inmoble e a parte do beirado de madeira. Para iso atacaron o incendio con escuma e con auga. Tras extinguilo, os efectivos refrixeraron a zona e utilizaron a cámara de imaxes térmicas para comprobar que non quedase ningún punto quente. Os bombeiros deron por finalizada a intervención á súa chegada a base, ás 6.58 horas.

A sala do 112 do SAIBA informou do incidente á Garda Civil e ao SAMU, que activou ao equipo de atención primaria e a ambulancia de soporte vital básico de Vegadeo e á UVI Móbil de Jarrio.

ÚLTIMAS

A xuíza chamará “en breve” a declarar aos investigados polo accidente de Xove en abril

A maxistrada titular do Xulgado de Instrución número 2 de Viveiro xa recibiu da...

Foz renova a frota de vehículos con catro novos transportes para o servizo de obras

O Concello de Foz vén de adquirir catro novos vehículos para o servizo de...

ACISA Ribadeo repartirá 6.000 euros en premios na XIII Festa do Comercio

Acisa ven de presentar a XIII Festa do Comercio. A campaña desenvolverase do 1...

O Concello de Viveiro sinala que non ten previsto retirar axudas a clubes deportivos

A alcaldesa de Viveiro, María Loureiro, aclara que o concello non ten en ningún...