Un home de 44 anos faleceu na tarde do sábado en San Andrés de Boimente, no concello de Viveiro, por picaduras de avespas.
O falecido realizaba tarefas de desbroce nunha finca situada en Rozada. O seu acompañante deu a voz de aviso aos servizos de emerxencias, aos que alertou de que a vítima era alérxica á picadura destes animais.
O personal de urxencias sanitarias do 061 desprazado ao lugar non puido facer nada por salvar a vida do home.
VINTE MORTES AO ANO
Segundo datos do Ministerio de Sanidade, un 3% da poboación en España é alérxica á picadura das avespas, que mata arredor de vinte persoas cada ano.
