A Garda Civil detivo na madrugada do pasado día 30 de novembro, na localidade lucense de Burela, a un home caboverdiano, de 31 anos de idade e a un varón portugués, de 33 anos de idade. Ambos os detidos son veciños do termo municipal burelao e foron arrestados como supostos autores dun delito de tráfico de drogas.
Segundo informou o Instituto Armado a través dun comunicado de prensa, nesta investigación policial os axentes interviron a ambos un total de doce gramos dunha substancia, supostamente cocaína.
No mesmo comunicado de prensa, a Benemérita precisa que as dúas persoas detidas foron postas a disposición xudicial.