InicioSucesosControlado o incendio na nave de rotulación de Celeiro

Controlado o incendio na nave de rotulación de Celeiro

Ninguén resultou afectado polo lume, aínda que os danos materiais están por evaluar; a abundancia de plásticos no interior está dilatando as tarefas dos servizos de emerxencias

Publicada o

- Advertisement -

Os efectivos de extinción manteñen controlado, segundo informou o servizo de urxencias do Centro Integrado de Atención ás Dependencias (CIAE) do 112, o incendio que afecta a unha nave de rotulación situada en Celeiro, no concello lucense de Viveiro.

Ninguén resultou afectado polo lume, aínda que os danos materiais están por evaluar, pois na zona seguen traballando os equipos de urxencias.

De feito, é a carga térmica acumulada no interior das instalacións, fundamentalmente plásticos, o que está dilatando estas tarefas de extinción. O incendio empezou sobre as 14.30 horas da tarde.

Tras recibir o aviso, activouse un operativo do que formaron parte os Bombeiros de Viveiro, axentes da Policía Local e voluntarios de Protección Civil, e ao que se sumaron os membros do Grupo de Emerxencias Supramunicipal (GES) de Cervo e o persoal do servizo de extinción de incendios forestales da zona debido á proximidade da nave co monte e á necesidade de máis auga para sufocar o lume.

Tamén se desprazou un equipo de Urxencias Sanitarias de Galicia-061, aínda que ninguén necesitou asistencia médica.

No lugar do incendio, segue, agora, parte deste operativo, aínda que a previsión é que se vaian liberando máis medios nas próximas horas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...