InicioSucesosRescatan dous mozos que quedaran atrapados nun cantil de Illa Pancha

Rescatan dous mozos que quedaran atrapados nun cantil de Illa Pancha

Os rapaces, evacuados polo helicóptero Pesca II, están en perfecto estado de saúde

Publicada o

- Advertisement -

Dous mozos tiveron que ser rescatados ao quedar atrapados nun cantil da zona de Illa Pancha, en Ribadeo, despois de lanzarse ao mar para nadar e non poder regresar á beira, ao redor do nove da noite do pasado martes.

Segundo informou o servizo de emerxencias do 112 Galicia, foi un compañeiro dos dous mozos o que chamou para solicitar axuda. Daquela activouse o operativo de rescate, no que participaron efectivos do Servizo de Gardacostas de Galicia, que acudiron ao lugar tras o aviso do 112 a bordo do helicóptero Pesca II.

DESCARTOUSE A ASISTENCIA MÉDICA

Tamén colaboraron os voluntarios de Protección Civil de Ribadeo e os axentes da Policía Local. Finalmente, foron os membros da Pesca II os que rescataron aos mozos e os trasladaron a terra en perfecto estado de saúde, polo que se descartou a asistencia sanitaria.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...