EFE. A Garda Civil detivo no municipio lucense de Burela a un veciño de Granada de 41 anos de idade como suposto autor dun delito de resistencia e desobediencia. Os axentes tiveron coñecemento de que unha persoa se atopaba “supostamente alterando a orde pública” en establecementos comerciais da localidade.
Unha vez localizado, o arrestado fixo “caso omiso á obriga do uso de máscara” e negouse á súa identificación, todo iso “con actitude ameazadora”. A continuación, “sen depoñer a súa actitude”, este individuo procedeu a “fracturar o retrovisor dun turismo coa man” e comezou a “ameazar e a proferir palabras soeces” á propietaria do mesmo. A persoa detida foi posta a disposición xudicial.