A Garda Civil detivo na localidade lucense de Ribadeo a un veciño desta localidade, de 22 anos de idade, como suposto autor dun delito de roubo con forza nas cousas. Os feitos tiveron lugar durante a pasada madrugada, cando persoas descoñecidas accederon ao interior do almacén dun establecemento de hostalería e subtraeron varias caixas de cervexa e bebidas alcólicas. Procedeuse á detención do presunto autor, cando se presentou no mesmo local coa suposta intención de devolver todo o material roubado horas antes. A persoa detida foi posta disposición xudicial.
Por outra banda, o Instituto Armado imputou en calidade de investigado a un veciño de Ribadeo de 27 anos de idade como suposto autor dun delito de lesións. No transcurso dunha discusión nun parque, o presunto autor supostamente agridiu a un terceiro causándolle unha ferida de varios centímetros na fronte que necesitou puntos de sutura. A persoa investigada foi posta a disposición xudicial.
