A Garda Civil imputou en calidade de investigado a un veciño de San Agustin de Guadalix (Madrid) de 20 anos como suposto autor dun delito de furto. Os feitos delituosos tiveron lugar no transcurso da formalización dos trámites de rexistro de viaxeiros nun establecemento hostaleiro da localidade lucense de Ribadeo, cando supostamente a persoa investigada, que foi posta a disposición xudicial, roubou un teléfono móbil a un terceiro.

Por outra banda, o Instituto Armado detivo na mesma localidade a unha veciña de Madrid de 32 anos de idade, á cal lle consta unha sinalización en vigor dimanante do Xulgado de Instrución nº 1 de Gandía (Valencia) de procura, detención e comparecencia.