EFE. Unha muller resultou ferida a primeira hora da mañá nun accidente que se produciu nunha estrada provincial no municipio lucense da Pontenova, ao saírse da vía o coche no que viaxaba.

O accidente produciuse ás 08.07 horas, entre os quilómetros 6 e 8 da estrada provincial LU-P-4803, que comunica A Pontenova con Augaxosa, segundo concreta o Centro Integrado de Atención ás Emerxencias (CIAE) do 112 Galicia.

O 112 recibiu aviso do sinistro a través do 061 e mobilizou ao GES pontenovés, á agrupación local de Protección Civil, a persoal de mantemento da vía e á Garda Civil de Tráfico.

Logo de recibir os primeiros auxilios no mesmo lugar do accidente, a persoa ferida foi evacuada por unha ambulancia de Soporte Vital Básico do 061 ao Hospital Lucus Augusti (HULA).