Un home faleceu este xoves ao quedar atrapado baixo un tractor no concello lucense de Riotorto, informou o 112, que indicou que foi necesaria a intervención dos bombeiros para liberalo.
O suceso produciuse nunha leira situada no lugar de Lorigados, agregaron as mesmas fontes. Ao lugar desprazáronse os Bombeiros de Barreiros, posto que foi necesario liberar á vítima co material de excarceración.
#AXEGAInforma dun home falecido ao quedar atrapado debaixo dun tractor nunha finca no lugar de Lorigados, en Riotorto (Lugo). Para liberalo, os #BombeirosBarreiros fixeron uso do material de excarceración. Tamén interviñeron o #GESPontenova, a @guardiacivil e Protección Civil. pic.twitter.com/7tnhsqSgsv
— 112Galicia (@112Galicia) September 10, 2020
Ademais, interviñeron o GES da Pontenova, a Garda Civil e Protección Civil, de acordo cos datos aportados polo Centro Integrado de Atención ás Emerxencias (CIAE) do 112 a través da súa conta de Twitter.
