O Salvamar Alioth remolcou o pasado mércores ata o porto de Burela ao barco pesqueiro Sapilo, que se foi a pique o pasado luns de madrugada nunha zona rochosa situada fronte á praia de Llas, no municipio de Foz. Os tres tripulantes da embarcación foron rescatados sans e salvos polo helicópetero ‘Pesca 2‘, do Servizo de Gardacostas da Xunta de Galicia.
Unha vez no peirao burelao, o barco foi reflotado nunha manobra que causou grande expectación na vila de Burela. A nave, con casco de madeira, catro metros de manga e 12,70 de eslora, do ano 1995, deixaba ver danos de consideración na zona de estribor.
Foi un novo percance neste 2020, afortunadamente sen ter que lamentar danos persoais, para a pequena tripulación do barco, que debeu gardar corentena en Cantabria no pasado mes de xullo despois de que se detectaran positivos por coronavirus en boniteiros da frota de Burela.
