A Policía Nacional detivo ao presunto autor de abusos sexuais a unha moza en Viveiro. Segundo explica o corpo policial, a vítima e unha amiga viaxaran desde Vigo para quedar cuns amigos na cidade do Landro, na noite do domingo ao luns.
A vítima e a súa amiga, dúas mozas novas da cidade olívica, atopáronse cos dous amigos de Viveiro, de similar idade, no piso destes na noite do pasado domingo, 15 de novembro, para cear e tomar unha copa.
A vítima espertouse sobresaltada na madrugada do luns 16 ao comprobar que un terceiro varón tamén morador do mesmo piso, pero de máis idade que os seus amigos, estaba abusando sexualmente dela.
Tras dar aviso á Comisaría, un radio patrulla acudiuse no lugar dos feitos procedendo á detención do suposto autor dos feitos que foi posto a disposición xudicial.
POSIBLE INFRACCIÓN DA NORMATIVA PARA ATALLAR A COVID-19
Tamén se deu conta dos feitos á autoridade sanitaria aos efectos de posible infracción do Decreto da Xunta de Galicia 178/20 ao tratarse dunha reunión de tres persoas conviventes con dúas non conviventes, que pode afectar ás medidas adoptadas para conter a propagación do Covid-19.
