A defensa do falso médico José Manuel López Pérez, coñecido como “Coté“, que tivo consultas en Ferrol e Viveiro, negocia un acordo de conformidade coa Fiscalía e as 13 acusacións particulares, nas que se atopan máis dun cento de vítimas e colexios oficiais de médicos e fisioterapeutas. O acusado enfróntase a unha pena total de 338 anos de prisión.

Ningunha das partes revelou detalles sobre o posible acordo, aínda que a defensa do procesado, que o propuxo, explicou que hai un “interese común” e que todas as opcións están “abertas”. Algúns medios sinalaron que Coté pretende autoinculparse ofrecendo cumprir unha pena de seis anos de prisión. A representación da asociación de vítimas sinalou que o xuízo sería “moi complicado” para o falso médico.

Sobre esta cuestión, a presidenta da asociación de vítimas do falso médico ferrolán, Esther Fontán, admitiu que non ve “claro” a posibilidade de chegar a un acordo coa defensa do coñecido como Coté por “dignidade” do arredor do cento de afectados que representa a entidade como acusación particular no caso. Le a información completa no Galicia Confidencial.