Efectivos de Salvamento Marítimo interviñeron na tarde deste martes nun operativo para remolcar a un pesqueiro que quedou sen máquina, no medio do temporal, a dúas millas de Cabo Ortegal.

Segundo informa o organismo, o barco afectado foi o pesqueiro de bandeira francesa Amor II, que faenaba con 14 tripulantes a bordo e quedou sen máquina a dúas millas de Cabo Ortegal con mar “moi groso”.

Ata a zona desprazáronse a Salvamar Alioth e o pesqueiro Pino Montero, que se atopaba na área e que, finalmente, conseguiu darlle remolque. Ambos diríxense, acompañados pola Salvamar, ao porto de Celeiro.