Un home de 76 anos faleceu na mañá deste xoves no concello da Pontenova, ao envorcar o tractor que conducía.

O accidente aconteceu na parroquia de San Xulián de  Vilaboa. O falecido residía no lugar de Aldeguer ou Vilar de Guerra.

O 112 tivo aviso do sinistro ás 11.00 horas. Unha vez cargado, o vehículo envorcou e atrapou ao condutor.

Desprazáronse ata o lugar do accidente o GES da Pontenova, os bombeiros de Barreiros e persoal sanitario de urxencia.

EXCARCERACIÓN

A vítima faleceu no acto e os servizos de emerxencias deberon excarcerar o corpo sen vida do ancián.