InicioSucesosA disposición xudicial a tripulación do Nehir, que levaba 3.000 quilos de...

A disposición xudicial a tripulación do Nehir, que levaba 3.000 quilos de coca fronte á costa de Ribadeo

Ante o asalto por parte do GEO da Policía Nacional, os arrestados "non dubidaron en abrir unha vía de auga para afundilo coa fin de eliminar todas as probas"

Publicada o

- Advertisement -

Os nove detidos, de nacionalidades xeorxiana e turca, este luns en relación cun alixo de case tres toneladas de cocaína intervido nun buque en alto mar fronte á costa de Ribadeo foron postos a disposición xudicial na mañá deste mércores.

Así o confirmaron a Europa Press fontes próximas á investigación, que sinalaron que os arrestados, tras chegar ao porto de Ferrol na medianoite do luns ao martes, foron trasladados, xunto á droga, á Comandancia da Garda Civil de Pontevedra.

PRESTARÁN DECLARACIÓN POR ORDE DA AUDIENCIA NACIONAL

Este mércores foron levados desde a Comandancia da Garda Civil de Pontevedra ao xulgado de garda da cidade do Lérez para prestar declaración por orde da Audiencia Nacional. Funcionarios de Vixilancia Aduaneira da Axencia Tributaria xunto con axentes da Policía Nacional e da Garda Civil, coa colaboración da Armada Española, interviñeron case tres toneladas de cocaína nun buque en alta mar no operativo denominado ‘Bocanegra’. Ante o asalto por parte do GEO da Policía Nacional, os arrestados “non dubidaron en abrir unha vía de auga para afundilo co fin de eliminar todas as probas”, indicaron fontes do operativo.

A investigación conxunta iniciouse no mes de maio do pasado ano, tras ter coñecemento das supostas actividades ilícitas dunha organización criminal asentada na comarca pontevedresa do Salnés.

TRALA PISTA DUNHA ORGANIZACIÓN CRIMINAL ASENTADA EN PONTEVEDRA

Froito da análise de toda a información obtida ao longo desta investigación, coordinada polo Xulgado Central de Instrución número 1 da Audiencia Nacional, os axentes reuniron unha serie de indicios que apuntaban á “existencia dun mercante que podería transportar unha notoria cantidade de cocaína, a cal sería transbordada a outras embarcacións nalgún punto indeterminado das costas galegas”, relataron as mesmas fontes.

Por todo iso, a investigación centrouse nun buque de nome ‘Nehir’, de 52 metros de eslora e bandeira da República de Palau, cuxas características e ruta de navegación “encaixaban perfectamente co posible obxectivo da operación policial”, subliñou a Axencia Tributaria.

Ao mesmo tempo, os axentes tamén corroboraron que, debido a unha alerta meteorolóxica no litoral atlántico, non se podería facer transbordo a ningún outro barco ao paso do ‘Nehir’ polas costas galegas, motivo polo cal, tras a pertinente reunión no Gabinete de Coordinación e Estudos do CITCO da Secretaría de Estado de Seguridade, decidiuse a interceptación da nave.

Please wait while you are redirected...or Click Here if you do not want to wait.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...