A Garda Civil imputa en calidade de investigado a un home rumano, veciño de Ribadeo, de 25 anos de idade como suposto autor dun delito de furto. Así o expuxo o Instituto Armado a través dun comunicado de prensa.

O presunto autor, tras acceder ás instalacións dunha empresa madereira, subtraeu supostamente ao longo de catro meses diverso material, entre o que se atopa gasoil, aceites, repostos de maquinaria e motoserras.

A valoración do material subtraído ascende a 11.000 euros. A persoa investigada foi posta a disposición xudicial, segundo concreta a Garda Civil na mesma nota remitida aos medios de comunicación.