A Garda Civil detivo a un veciño de Foz e a outro do municipio lucense de Barreiros como presuntos autores dun delito de lesións graves por agredir a unha persoa no primeiro concello.
Segundo relatou o Instituto Armado, os feitos tiveron lugar o pasado día 9 de xuño na localidade de Foz cando supostamente os individuos agora detidos agrediron a unha terceira persoa, á que provocaron “lesións de consideración”.
As persoas detidas en relación con estes feitos foron postas a disposición xudicial, sinalaron as mesmas fontes.
Por outra banda, axentes da Garda Civil arrestaron a un veciño de Lugo de 44 anos ao cal lle consta unha requisitoria xudicial en vigor de procura, detención e ingreso en centro penal dimanante da Audiencia Provincial da Coruña.
Esta persoa detida foi posta a disposición xudicial, tras o que se decretou o seu ingreso en prisión.
