InicioSucesosSó se salvaron dúas oficinas do lume que calcinou case por completo...

Só se salvaron dúas oficinas do lume que calcinou case por completo unha nave industrial en Cervo

O incendio, que comezou pasadas as 15.00 horas do xoves quedou extinguido na medianoite.

Publicada o

- Advertisement -

O lume declarado na tarde deste pasado xoves nunha nave industrial no municipio de Cervo  calcinou practicamente a totalidade das instalacións.

Segundo informou o 112 Galicia, sobre a medianoite, os Bombeiros de Viveiro informaron o servizo de emerxencias de que o lume, que afectou practicamente á totalidade da nave industrial do Polígono de Cuíña, quedara extinguido.

Concretamente, apuntaron as mesmas fontes, salváronse dúas oficinas e varios departamentos, mentres que o interior ardeu por completo, pero non houbo danos persoais.

Durante toda a noite, un retén formado polos efectivos do GES de Cervo vixiou a zona para evitar que algún rescoldo activo afectase a outras naves lindeiras. De feito, os Bombeiros de Viveiro acudiron á primeira hora da mañá deste venres para sufocar pequenos focos de lume que se reavivaron ao longo da noite.

O 112 Galicia tivo constancia do incendio ás 15,45 horas deste pasado xoves cando varios particulares alertaron dun lume no interior dunha nave e, a partir dese momento, activouse un operativo no que interviñeron os Bombeiros de Barreiros e de Viveiro, o GES de Cervo, a Garda Civil e Protección Civil de Xove, Burela e Ribadeo.

Ademais, o 112 Galicia tamén puxo en alerta a Urxencias Sanitarias de Galicia-061, por se fose precisa a súa intervención. O Concello de Cervo e o Servizo de Medio Ambiente da Xunta tamén foron informados da situación.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...