InicioSucesosRescatados dous surfistas que foran arrastrados pola corrente desde Ribadeo a Castropol,...

Rescatados dous surfistas que foran arrastrados pola corrente desde Ribadeo a Castropol, en Asturias

Ambos estaban en boas condicións e non requiriron atención médica. Axentes da Garda Civil encargáronse de levalos de volta a Ribadeo.

Publicada o

- Advertisement -

Efectivos da Garda Civil de Asturias localizaron este luns, sobre as 13,30 horas, a dous deportistas que foran perdidos de vista unha hora e media antes cando practicaban surf fronte ás costas de Ribadeo, e que foron atopados nunha praia de Castropol (Asturias), a algo menos de dúas millas náuticas de distancia.

A alerta produciuse en torno ao mediodía, cando unha persoa contactou co 112 Galicia para alertar de que perdera de vista a dous compañeiros, cos que estaba a practicar surf na zona de Illa Pancha, en Ribadeo.

O CIAE alertou a efectivos de Salvamento Marítimo, do Servizo de Gardacostas e de Garda Civil. Así mesmo, foi mobilizado o helicóptero ‘Pesca I’ da Xunta, e efectivos de Policía Local, Garda Civil e Protección Civil.

Desde Galicia tamén se deu aviso ao Servizo de Emerxencias do Principado de Asturias que, á súa vez, mobilizou a Garda Civil da zona e a bombeiros. Cando os efectivos de bombeiros chegaron á praia de Peñarronda, axentes do Instituto Armado xa localizaran aos dous deportistas no areal, ata onde foran arrastrados pola corrente.

Ambos estaban en boas condicións e non requiriron atención médica. Axentes da Garda Civil encargáronse de levalos de volta a Ribadeo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...