InicioSucesosAtendida unha moza de 18 anos tras chocar cun animal o bus...

Atendida unha moza de 18 anos tras chocar cun animal o bus no que viaxaba

O accidente tivo lugar sobre as 2,30 horas deste luns na N-642 preto do Polígono de Barreiros.

Publicada o

- Advertisement -

Unha moza de 18 anos resultou ferida este luns despois de que o autobús no que viaxaba sufrise un accidente tras irromper un animal na vía no termo municipal de Foz. Segundo informou o 112 Galicia, no vehículo viaxaban un 50 cincuenta persoas e cubría a liña de Asturias a Viveiro. O accidente tivo lugar sobre as 2,30 horas deste luns na N-642 preto do Polígono de Barreiros.

Foi, a esa hora, cando o condutor do bus chamou ao 112 Galicia para informar do accidente. Segundo confirmou aos xestores de emerxencias, unha moza necesitaba asistencia sanitaria despois de levar un golpe tras impactar o vehículo co animal.

Por iso, por parte do Centro Integrado de Atención ás Emerxencias (CIAE-112 Galicia) puxo o suceso en coñecemento dos profesionais sanitarios, dos Bombeiros de Barreiros, dos membros do GES de Cervo e dos voluntarios de Protección Civil da localidade. Ao lugar o 061 enviou unha ambulancia de soporte vital avanzado que levou ao Hospital Público da Mariña a unha moza de 18 anos de idade, confirmaron a Europa Press fontes sanitarias.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...