A nova secretaria xeral do PSdeG-PSOE na provincia de Lugo, Patricia Otero, asegurou que a súa intención é incluír na executiva provincial socialista, que sairá do congreso que se celebrará o vindeiro sábado, “todas as sensibilidades” do partido.
A deputada no Parlamento galego e ex concelleira de Burela asegurou que no seu proxecto “caben todos”. En canto á posibilidade de integrar ao seu rival nas primarias, o alcalde de Castroverde, José María Arias, Otero recordo que ela mesma lle ofreceu a secretaría de medio rural na súa executiva ou a vicesecretaría xeral, “pero declinou ese ofrecemento”.
AS AUTONÓMICAS, PRIMEIRO OBXECTIVO
En todo caso, e á espera de ver o que acontece no congreso da vindeira fin de semana, Otero asegurou que ten a intención de “integrar todas as sensibilidades” do partido e, por tanto, darlles participación na executiva, porque a súa idea é facer “un PSOE lucense máis forte e cohesionado”, co obxectivo de ser a forza máis votada na provincia e axudar así a Gonzalo Caballero a ser presidente da Xunta de Galicia en 2020. Máis información no Lugo Xornal.
