Unha familia de xabarís foi vista na tarde deste xoves nas aforas de Burela, á altura do aparcadoiro da empresa Construdeco.
O grupo, con dous exemplares adultos e un exemplar novo, foi fotografado mentres camiña a paso lixeiro sobre as sete da tarde.
A Policía Local de Burela recibiu aviso da súa presenza nas aforas da vila, pero non puido localizalos. En calquera caso, polo de agora non se documentaron incidencias do seu paso.
A presenza do xabaril preto dos núcleos urbáns é unha realidade en toda Galicia, á que A Mariña non escapa.
ENCONTROS NAS VILAS
Nos últimos anos sucedéronse os encontros con estes animais en lugares como Ribadeo, Burela, Viveiro ou Foz, e tamén os accidentes de tráfico e mesmo de tren ao topar con grupos en estradas e vías ferroviarias.
OS AGRICULTORES FALAN DE “PRAGA”
As asociacións agrícolas aseguran que o número de xabarís está en aumento -mesmo chegaron a falar de “praga“- que esta circunstancia está a provocar un problema nas colleitas.
