IniciosociedadeOs TES da Mariña critican que o 061 atribúa á medicalizada "a...

Os TES da Mariña critican que o 061 atribúa á medicalizada “a prioridade” dos traslados entre hospitais

Os traballadores lembran que "o 70%" dos servizos que fai a UVI móbil ubicada en Foz son "primarios"

Publicada o

- Advertisement -

O Técnicos de Emerxencias Sanitarias (TES) da Mariña Lucense responderon o pasado sábado ao 061 Galicia, que aludiu a que co novo modelo de contratación do transporte urxente sanitario terrestre, “haberá catro ou cinco modelos” de ambulancias medicalizadas, sendo a prioridade do servizo ubicado en Foz “o traslado de pacientes a outros hospitais” e “atender o secundario das patoloxías que son tempodependentes“.

Os obreiros referíronse ás declaracións de José Flores, responsable do 061, que asegurou nunha entrevista no Faro de Vigo que a “prioridade” das ambulancias medicalizadas do Salnés, Monforte de Lemos e A Mariña son “os traslados entre hospitais de infartos ou ictus“.

Os técnicos lembran que “o 70%” dos traballos da Unidade de Vilixancia Intensiva (UVI) móbil da Mariña Lucense son “servizos primarios, como paradas cardiorespiratorias, accidentes de tráfico e laborais, hipoglucemias. Polos traslados en ocasións a ambulancia de servizo asistencial avanzado (SVA) non está para atender á poboación”, recalcan, para engadir que “este recurso leva nove anos prestando servizo”.

CRÍTICAS AO PP

Os técnicos de emerxencias da Mariña Lucense sosteñen que o Partido Popular (PP) engana á poboación “cando di que o Pesca II realiza traslados sanitarios“.

Os traballadores aseguran que a misión do helicóptero non é realizar traslados sanitarios nin atende emerxencias en terra. A súa misión é marítima e realiza ocasionalmente rescates en terra en lugares de difícil acceso pero sempre con apoio de 061, xa que non dispón de médico“.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...