InicioCulturaA Mariña énchese de plans: percebe e pescada, mercados medievais, festivais e...

A Mariña énchese de plans: percebe e pescada, mercados medievais, festivais e verbenas

Xove e Celeiro exaltan os seus produtos estrela, Alfoz volve ao Medievo e Bravos convida a desfrutar da música nunha fin de semana que abre o período máis efervescente do verán

Publicada o

- Advertisement -

Como cada venres, o Xornal da Mariña repasa a axenda cultural e de ocio da fin de semana.

ALFOZ

Este venres, no castelo de Castrodouro, comeza o Mercado Medieval de Alfoz, que cumpre a súa vixésimo primeira edición. O programa de actividades ofrece paseos a cabalo, obradoiros, danzas medievais, escenificacións da lenda do Mariscal Pardo de Cela e ceas ao estilo do Medievo. Podes consultar o programa ao completo neste enlace.

Escenificación no Mercado Medieval de Alfoz. MERCADO MEDIEVAL DE ALFOZ

BARREIROS

Comezan as Queimadas Proletarias dos venres no Cámping Gaivota. A primeira actuación será a do trío folk Andoa (23.00 horas).

O domingo, Manuel Lamas e Owy presentan o espectáculo de maxiaNada é imposible‘, pensado para toda a familia (centro sociocultural Manuel Díaz Sampedro, 12.00 horas).

CERVO

San Cibrao acolle o venres (19.30 horas) a terceira edición da Festa do Chicharro Lañado.

Cervo convida a coñecer o pasado do municipio os días 19 e 20 de xullo, na primeira edición das súas xornadas de Historia. Conferencias e roteiros polo patrimonio -entre eles, as fábricas de salgadura de San Cibrao ou Sargadelos- conforman o programa da cita.

O sábado, o club Limosa Surf organiza o Furancho Skate, no bowl ubicado no parque Raíña Sofía. A inscrición é de balde (desde as 15.00 horas), e o campionato comezará ás 17.00.

O domingo, Tá en Artes convoca a todas as persoas con inquedanzas creativas da comarca a unha xuntanza a partir das 11.00 horas na casa da administración de Sargadelos en Cervo.

FOZ

A festas de San Martiño, na honra da Virxe do Carme, congregan de novo a París de Noia e Panorama, que se retarán na noite do sábado nunha verbena multitudinaria. Este venres, aperitivo de luxo con Combo Dominicano e Claxxon.

MONDOÑEDO

O venres, a partir das 21.00 horas, a banda da escola de música de Mondoñedo ofrece un concerto de música de cinema. A entrada é libre e gratuíta.

A alameda dos Remedios acollerá o sábado (a partir das 10.30 horas) un obradoiro de pilotaxe de drons para persoas de entre 14 e 30 anos. A entrada é libre.

OUROL

Bravos celebra esta fin de semana unha nova edición, a oitava, do Festival Aturuxo, coas actuacións, entre outros, de Rosa Cedrón e Zënzar.

O VICEDO

A asociación Nordés fará o sábado un roteiro pola arte sacra do concello do Vicedo.

O domingo, o cabalo será o protagonista na Festa do Turismo Rural do Vicedo, no parque eólico de Riobarba desde as 13.30 horas.

RIBADEO

Ribadeo celebra o sábado e mailo domingo as súas festas do Carme nunha nova ubicación, xunto á lonxa. Son do Sil e dúo Diamante amenizarán a noite do sábado, mentres que o domingo haberá a misa de campaña, procesión e ofrenda marítima aos náufragos. Trovadores e Fénix actuarán na verbena dominical.

O arqueólogo Miguel San Claudio falará este sábado -auditorio, 20.30 horas- sobre a última excavación do galeón de Ribadeo.

Galeón de Ribadeo. AXM

VIVEIRO

A Festa da Merluza de Celeiro ofrecerá este sábado 2.000 racións da pescada do pincho en sete especialidades diferentes. O reparto comezará ás 21.00 horas, na lonxa vella.

XOVE

Xove ofrece percebe a prezos populares nunha nova edición da exaltación gastronómica.

Illa Ansarón. AXM

 

Serven desde as 12.00 horas, na Praza do Concello. Ademais, a cita inclúe visitas guiadas á Illa de Ansarón.

En Lago, que está de festas, este venres haberá churrascada a prezos populares e verbena con Salsarena e Arizona. O sábado, sesión vermú con Alma Latina, que repetirá na verbena xunto a Tapyoka. O domingo, tamén haberá baile a mediodía con Lembranza.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...